Keling Kumang

- Novel Dayak Berlatar Sejarah

Author: R. Masri Sareb Putra, Patricia Ganing (Penerjemah) Category: Dayak, Sastra Publisher: Lembaga Literasi Dayak Published: 2024 ISBN: - Pages: 198 Language: Iban Dimension: 14x21 cm Harga: Rp. 100.000,- Beli dari LLD

Description:

Novel tu nyeritaka senentang pengerindu entara Keling enggau Kumang ti diuji enggau mayuh macham penguji. Cherita tu bepun lebuh Keling nurun ngasu rusa betanduk tujuh bebulu emas ba babas munyi ti ditusuika aya iya Jelayan. Jelayan tu siku ari pemesai ba Panggau Libau ti deka manjuk Keling ngambika bulih penusah. Jelayan deka ngerampas penuduk tuai rumah ari Gemuring Gading, iya nya Apai Keling.

Keling enggau Laja tesat ba dalam babas ketegal deka ngasu rusa betanduk tujuh. Tang seduai iya tetemuka Kumang enggau bala indu ari Gelung benung mandi ba sungai. Keling enggau Laja dikelaluka ngagai rumah panjai Gelung. Pengerindu Keling enggau Kumang bepun ba pendai lalu ngujungka seduai iya jadi melaki bini. Nambahka nya mega, seduai iya sigi udah disabung jadi kenyau ari dalam kandung.

Pengerindu seduai iya diuji lebuh Antu Dadak mali diri nyadi Kumang lalu ngerampas Keling. Tang Antu Dadak ulih dialahka sida ba Panggau Libau. Kelimpah ari nya, siti agi penguji ti pemadu besai datai nuntung iya nya maya Kumang baru nemu diri ngandung lalu nyeraka buah empelam. Keling enggau Laja ditangkap Apai Sabit Bekait lebuh ngiga sera Kumang lalu dikurung sepengelama 17 taun. Keling enggau Laja enda ulih mulaika diri.

Kumang puni ketegal enda ulih makai buah sera iya. Kumang lalu beranakka anak iya benama Ayor ti timpang pendiau ketegal penulah puni enda makai buah empelam. Ayor dibuai Kumang ngagai babas. Bungai Nuing enggau bini iya ti tetemuka Ayor lalu ditupi dataika umur iya manggai 17 taun. Ayor mansang besai lalu nyadi orang berani sereta mali nyadi lelaki ti sigat. Iya ulih nyelamatka Keling seduai Laja ari tangkap Apai Sabit Bekait maya Gawai Kenyalang.

Taja pia, penguji ti datai lalu bedau pupus lebuh Gemuring ditabanka Jelayan ti deka ngerampas kuasa nyadi tuai rumah. Keling enggau pemerani sereta pemintar udah mujur ngalahka Jelayan. Pengujung iya, Keling enggau Kumang sereta anak seduai iya Ayor beserakup lalu begulai baru. Keling mega dichiri nyadi tuai rumah lalu mulaika pemaik sereta pengelikun menua Panggau Libau.